Saturday 24 September 2011

स्वास्थ्यवर्धक पालक टमाटो सूप (वेळ १० मिनिटे)


(पालकात  विटामिन ए, बी, सी ,कॅल्सियम, फास्फोरस इत्यादी   जीवनावश्यक घटक भरपूर असतात, शरीराची प्रतिरोध काश्मता वाढवणारे व रक्तालपता दूर करणारे)
टमाटर:   लाइकोपिन नावाचे  anti oxident व विटामिन ए,सी ,लौह इत्यादी जीवनरक्षक घटक -शरीराची प्रतिरोध क्षमता वाढविणारे. कच्चे खाण्या पेक्षा सूप अधिक उत्तम)

( सध्या पालक सहित हिरव्या भाज्यांमध्ये भरपूर किटनाशक वापरले जाते   म्हणून  पालक वापरण्या आधी एका भांड्यात कोमट
पाण्याने दोन-तीनदा धुतले पाहिजे.
आवश्यक साहित्य :  पालक  २५० ग्रॅम , टमाटो  १०० ग्रॅम (२ किंवा ३),  जीरा पावडर १/२ चमचे , काळी मिरी पावडर १/२ चमचे , मीठ १/२ चमचे,  अदरक : छोटा तुकडा
 
वैकल्पित पदार्थ (असेल तर): लोणी १  चमचे व  १/२ चमचे जीरा 
 
कृती : पालक व टमाटो बारीक चिरून घ्यावा. गैस वर कुकर ठेवून , चिरलेला  पालक, टमाटो व अदरक   दोन वाट्या पाणी  घालून एक किंवा दोन सीट्या होऊ ध्या. (वेळ ३ मिनिटे)
थंड झाल्यावर कुकर मधून   पालक व टमाटो चे तुकडे काढून   मिक्सी मध्ये थंड पाणी घालून वाटून घ्या व  मिश्रण एक चाळणी मधून एका भांडया मध्ये  गाळून घ्या. ( ३ मिनिटे) 
भांड  गैस वर ठेऊन कुकर मध्ये उरलेलं पाणी,  जीरा पावडर, काळी मिरी पावडर व मीठ घालुन . एक उकळी आल्या वर गैस बंद करा. सूप तैयार. ( 2 मिनिटे). 

लोणी आणि जिर्याची फोडणी दिल्यास स्वाद आणखीन वाढतो.
 
हिवाळ्यात गरमा-गरम पालक टमाटर सूप पिण्याचा आनंद काही वेगळाच असतो. पालकात टमाटर घातल्या मुले लहान मुले ही हे पोष्टिक सूप आनंदाने पितात.
टीप : आवडत असल्यास नुसता पालकाचा सूप या पद्धतीने बनविता येतो. टमाटर एवजी सूप तैयार झाल्यावर लिंबाचा रस त्यात घातला तरीही हे सूप स्वादिष्ट बनते.
pub-4727831505084732.

Wednesday 14 September 2011

दुधी भोपळा टमाटो सूप




दुधी भोपळा टमाटो सूप (वेळ १० मिनिटे)


(दुधी भोपळ्याचे सूप सहजासहजी मुल पिणार नाही पण त्यात टमाटो घातल्यास कोणालाही कळणार नाही हे दुधी भोपळ्याचे सूप आहे. )
  
आवश्यक साहित्य :  दुधी भोपळा  २५० ग्रॅम , टमाटो  १०० ग्रॅम (२ किंवा ३),  जीरा पावडर १/२ चमचे , काळी मिरी पावडर १/२ चमचे , मीठ १/२ चमचे.

वेकल्पिक साहित्य घरात असेल तर  लोणी १  चमचे व  कोथिंबीर  

कृती : दुधी भोपळा व टमाटो बारीक चिरून घ्यावा. गैस वर कुकर ठेवून , चिरलेला दुधी व टमाटो   दोन वाट्या पाणी  घालून एक किंवा दोन सीट्या होऊ ध्या. (वेळ ३ मिनिटे)

थंड झाल्यावर कुकर मधून   दुधी व टमाटो चे तुकडे काढून   मिक्सी मध्ये थंड पाणी घालून वाटून घ्या व  मिश्रण एक चाळणी मधून एका भांडया मध्ये  गाळून घ्या ( ३ मिनिटे) 

भांड   गैस वर ठेऊन कुकर मध्ये उरलेलं पाणी,  जीरा पावडर, काळी मिरी पावडर व मीठ घालुन . एक उकळी आल्या वर गैस बंद करा. सूप तैयार. ( 2 मिनिटे) 

असेल तर एक चमचा लोणी व कोथिंबीर घालून गरमागरम सूप सर्व करा. पोरांना निश्चित आवडेल.